6 причини да изберете топлинска пумпа
- Вредност на имотот
- Заштеда на енергија
- Владини кампањи
- Идни регулативи
- Алтернативно решение со помалку јаглеродни гасови
- Паметна употреба на енергија
Топлинската пумпа може да ја зголеми вредноста на вашиот дом
Купувачите и закупците бараат енергетски ефикасни домови,па затоа енергетските ознаки се важни. Топлинската пумпа може да ви го подобри EPC-рејтингот, да ја подобри удобноста и да ја зголеми цената за продажба или за закуп на вашиот дом.
Заштедете пари на сметките за енергија
Топлинските пумпи користат енергија поефикасно од вообичаените системи затоа што не ја генерираат топлината преку согорување гориво: ја пренесуваат топлината од надворешниот воздух, водата или земјата со помош на електрична енергија која главно се користи за работа на компресорот. Како резултат на тоа, испорачуваат неколку единици топлина за секоја единица употребена електрична енергија. Во зависност од моменталната поставеност и како користите греење и топла вода, преминот кон топлинска пумпа може предизвика значителна заштеда на сметката за енергија.
Добијте финансиска поддршка за да преминете на топлинска пумпа
Многу европски влади нудат грантови и субвенции за да можат топлинските пумпи да бидат подостапни. Овие кампањи ја намалуваат почетната инвестиција, но нема да траат за секогаш. Не пропуштајте ја шансата да заштедите.
Фосилните горива за греење излегуваат од употреба
Низ цела Европа, владите ги укинуваат фосилните горива за греење за да ги постигнат климатските цели. Топлинските пумпи се долготрајна алтернатива која ги задоволува новите регулативи и помага да се намали емисијата на јаглеродни гасови од вашиот дом.
Топлинските пумпи помагаат да ја намалите емисијата на јаглеродни гасови
Греењето е причина за голем дел од емисијата на јаглеродни гасови од станбените објекти во Европа. Топлинските пумпи можат да ја намалат потрошувачката на енергија и испуштените стакленичките гасови во споредба со бојлерите на гас, затоа што ја пренесуваат топлината наместо да ја создаваат преку согорување. Потенцијалното намалување зависи од фактори како ефикасност на системот и производството на електрична енергија. Како што електричните дистрибутивни мрежи постануваат сѐ почисти, топлинските пумпи можат да понудат повеќе климатски придобивки.
Користете ја енергијата попаметно
Топлинските пумпи одлично функционираат со соларни панели и му овозможуваат на домот да користи повеќе од својата обновлива енергија. Ова помага да се намали зависноста од гас, да се намали потрошувачката од електричната мрежа е ве приближува кон поефикасен и подолготраен дом.
Гледајте и научете
Сместете се удобно и уживајте во учењето на сè што треба да знаете за нашите решенија, со приказниве коишто се внимателно избрани за вас
Научете повеќе за нашите топлински пумпи и донесете информирана одлука
- Што е топлинска пумпа?
- Како работи топлинска пумпа?
- Кој е вообичаениот работен век на топлинска пумпа?
- Дали топлински пумпи може да се користат за ладење?
- Дали е потребна топлинска пумпа за мојот дом?
Топлинската пумпа главно користи обновлива топлина од воздухот, водата или земјата за да овозможи греење, ладење и топла вода за вашиот дом, при што преостанатата енергија доаѓа од електричната енергија. Внатре, оваа енергија (топлина) потоа се ослободува преку емитувачи како што се радијатори, подно греење, конвектори на топлинска пумпа и вашиот систем за топла вода. Топлинските пумпи ја пренесуваат топлината намест да ја создаваат со согорување, па затоа користат помалку енергија од бојлерите на гас и не испуштаат штетни гасови од согорување.
Топлинските пумпи претвораат енергија однадвор на претпочитаната температура за домот. Првично, средството за разладување во надворешната единица на топлинската пумпа ја апсорбира топлината од воздухот, земјата или водата. Средството за разладување влегува во компресорот, каде што е под притисок. Поради високиот притисок, средството за разладување станува жешко и за возврат произведува топла вода. Топлата вода може да се складира во резервоар додека не биде потребна, или да циркулира преку емитувачи во различни соби преку подно греење, радијатори или конвектори на топлинска пумпа. Кога се комбинираат со конвектори на топлинска пумпа или подно греење, топлинските пумпи можат да дејствуваат како клима уреди и исто така да се користат за ладење. Циклусот едноставно е обратен, внатрешните единици ја апсорбираат топлината, а надворешната единица ја ослободува.
Топлинската пумпа вообичаено трае помеѓу 15 и 20 години, иако тоа е определено од голем број фактори, на пример, одржување. Иако топлинските пумпи се решение коешто бара малку одржување, нивниот работен век ќе биде продолжен со годишна проверка од инсталатер или сервисен партнер.
Да, можат, но ова зависи од типот емитувачи коишто ги имате.
Идеалниот емитувач за ладење е конвектор на топлинска пумпа (исто така познат и како вентилаторски конвектор) којшто вешто ги комбинира греењето и ладењето во еден систем.
Топлинската пумпа е идеална за домови во сите облици и димензии и инсталирањето топлинска пумпа да се грее и лади домот, е паметен избор без оглед дали е за новоизграден дом или реновирање имот.
Предности на топлинска пумпа
Зошто инвестирањето во топлинска пумпа е добра идеја?
Топлинските пумпи се исплатлив систем со послабо влијание врз околината од бојлерите на гас, затоа што користат до 75 % бесплатна обновлива топлинска енергија од воздухот, водата или земјата. Иако користат електрична енергија, количината на создадената топлинска енергија е значително поголема од потрошената енергија, па затоа вашите сметки за енергија ќе се намалат во зависност од цените за енергија, изолацијата на вашиот дом и како го користите системот.
Топлинските пумпи се исто така многу побезбедна опција отколку конвенционалните системи за греење. Тие можат да ја минимизираат шансата за несреќи бидејќи работат на обновлива енергија, а делумно на електрична енергија, така што нема вклучено фосилно гориво и нема ризик од истекување гас или случајно палење.
Благодарение на висококвалитетните материјали и софистицираното инженерство, топлинските пумпи Daikin имаат долг работен век. Ако се одржува правилно, вашата топлинска пумпа ќе трае до 20 години.
Дали топлинските пумпи се енергетски ефикасни?
Потрошувачката на електрична енергија на топлинската пумпа е заснована на она што е познато како сезонски коефициент на перформанси (СКП), којшто овозможува варијации во перформансите во текот на годината. Вообичаено, пумпата треба да работи понапорно во зимата отколку во летото.
СКП се пресметува со мерење на внесената енергија (електрична енергија) и потрошената енергија (топлина). Топлинска пумпа вообичаено произведува 4 kWh топлина од 1 kWh електрична енергија, што може да е поевтино од вашите сметки за гас преку целата година. Понатаму, постојат начини на кои можете дополнително да ја зголемите ефикасноста.
Изолацијата влијае на ефикасноста на секој систем за греење, така што, со тоа што ќе се осигурите дека сите ѕидови, шуплини на мансарда и прозорци се правилно изолирани, ќе го намалите обемот на работа на топлинската пумпа, а со тоа и нејзината потрошувачка.
За навистина да ја максимизирате ефикасноста и значително да ја намалите потрошувачката на електрична енергија, размислете за комбинирање топлинска пумпа со други системи, како што се подно греење и соларни плочи.
Наши решенија за греење и ладење
- Топлински пумпи воздух-вода
- Топлински пумпи воздух-воздух
Сеопфатни решенија за греење, ладење и топла вода
Топлинските пумпи воздух-вода се комплетни системи што овозможуваат греење, ладење и топла санитарна вода. Користат до 75 % обновлива енергија од надворешниот воздух, помагаат да се намали потрошувачката не енергија и трошоците за работа. Можат да се комбинираат со многу постојни и нови грејни тела, поради што се погодни за нови домови, реновирања и замена на бојлери, во зависност од потребите на вашиот дом.
Удобност во текот на целата година во домот
Остварете удобност во домот во текот на летото и зимата со напредна, ефикасна технологија за греење и ладење. Ако додадете резервоар, ќе имате и санитарна топла вода. Идеални за нови домови, како додаток на бојлерот и за замена на старите електрични системи.
Повеќе информации
Можете да добиете совет за тоа кој тип топлинска пумпа најдобро одговара за вашиот дом од инсталатер на Daikin, персонал во главната продавница или советувајте се со нашиот навигатор за станбени решенија.
Вообичаениот работен век на топлинска пумпа е помеѓу 15 и 20 години, иако тоа зависи од голем број фактори. На пример, одржување. Иако топлинските пумпи се решение коешто бара малку одржување, годишна проверка од инсталатер или сервисен партнер ќе помогне да се продолжи нивниот работен век.
Да, топлинските пумпи можат да се поврзат на стари или нови радијатори.
Ако веќе имате радијатори во домот, високотемпературните топлински пумпи или хибридните топлински пумпи (ако заменувате бојлер на гас) можат лесно да се поврзат со нив и да ги користат постоечките цевководи без потреба од замена на радијаторите или дополнителни изведби.
Да, топлинските пумпи можат да се користат за ладење, но ова зависи од типот емитувач којшто го имате.
На пример, идеален емитувач за ладење со нискотемпературни или високотемпературни топлински пумпи е конвектор на топлинска пумпа (исто така познат како вентилаторски конвектор). Ова функционира слично како и традиционалниот радијатор со дополнителна придобивка, да може да ја грее и лади просторијата.
Некои хибридни топлински пумпи можат да се поврзат со топлинска пумпа воздух-воздух (исто така познати како клима уреди), кои се уште едно популарно решение за греење и ладење.
Инсталатер на топлинска пумпа Daikin ќе заврши сè во врска со нарачувањето, испораката и инсталирањето на топлинската пумпа.
Наједноставниот одговор е, зависи. Инсталирањето топлинска пумпа е повеќе од само поставување внатрешна и надворешна единица, затоа не постои дефинитивна временска рамка кога станува збор за потребното време за инсталирање топлинска пумпа бидејќи тоа ќе зависи од голем број различни фактори, како што се:
- Тип на дом: Првото нешто што се зема предвид е типот на домот во кој ќе се инсталира топлинска пумпа. Дали е новоизграден или постоечки дом? Кај новоизградените домови, планирањето треба да се земе предвид со сите други згради кои моментално се градат. Кај постоечките домови, работи како што се дали постојните емитувачи ќе се користат или ќе се заменат со нови, ќе имаат улога во потребното време.
- Тип топлинска пумпа: Бидејќи има голем број топлински пумпи, секоја од нив има и свое потребно време потребно за инсталацирање.
- Дополнителни изведби: Без разлика дали инсталирате топлинска пумпа во постоечки или новоизграден дом, може да има дополнителни изведби што треба да се извршат за да се уверите дека го извлекувате максимумот од вашиот нов систем. Ова може да вклучи инсталирање или замена на емитувачи (како што се радијатори), оптимизирање на изолацијата и т.н.
Цената за инсталирање топлинска пумпа се разликува во зависност од типот на избраната топлинска пумпа и државата во којашто живеете.
Други фактори коишто можат да влијаат на цената се реновирање или дополнителни градежни работи (како изолација) што треба да се изведат, плус инсталатер. Различни инсталатери ќе имаат различни цени во зависност од нивните стручност и искуство.
Во Европа, различни земји имаат различни регулативи и субвенции на национално и регионално ниво за поддршка на купувањето и инсталирањето топлинска пумпа.
Бидејќи секој ќе има свои шеми и критериуми за прифатливост, ве советуваме да се консултирате со вашиот избран инсталатер на Daikin.
Поголемиот дел од топлинските пумпи се со внатрешна и надворешна единица. Секоја единица произведува звук кога работи, овој звук вообичаено се мери во dBA, а овие нивоа се движат од 0 dBA до 140 dBA.
Кога ги гледате нивоата на звук, ќе ги видите и спецификациите дадени за ниво на јачина на звук и ниво на притисок на звук.
Ниво на јачина на звук е нивото на звук мерено директно на изворот.
Ниво на притисок на звук е нивото на звук мерено на одредено растојание (обично 1,5-2 метри) од изворот.
Внатрешните единици на топлинските пумпи на Daikin вообичаено произведуваат ниво на притисок на звук од околу 30 dBA, што може да се спореди со звукот на човек кој тивко шепоти.
Надворешните единици, бидејќи се достапни во поголем број димензии, се движат во нивоа на притисок на звук помеѓу 40 dBA и 62 dBA, што можат да се споредат со звуците на цвркот на птици и луѓе кои разговараат.
Топлинските пумпи не бараат многу одржување. Советуваме да закажете годишен состанок за одржување со инсталатер или давател на услуги за да бидете сигурни дека вашата пумпа ќе продолжи да работи што е можно поефикасно. Стандардна услуга вклучува број на стандардни проверки, како и детално чистење на единицата и филтрите.
Откријте го нашиот блог за греење и ладење
Дознајте кое решение одговара за вашите потреби