На која температура треба да ја поставите топлинската пумпа воздух-воздух (исто така позната и како клима уред) во лето?

Стандардниот совет да го одржувате домот на иста температура во текот на целата година може да предизвика да се чувствувате непријатно, да ве чини поголеми сметки за електрична енергија и да биде штетно за планетата. Температурата која се чини дека е вистинска во зима, може да биде премногу ладна во летото. Кое е решението?

Како ве лади топлинската пумпа воздух-воздух во лето?

Топлинска пумпа воздух-воздух е клима уред. Таа работи така што ја извлекува топлината од внатрешноста на домот преку една или повеќе внатрешни единици и ја пренесува надвор, преку надворешна единица дискретно поставена на надворешноста на вашата куќа. Ова е обратно од процесот со којшто топлинската пумпа воздух-воздух го загрева домот во ладните денови.

Која температура треба да ја поставите на топло време?

Луѓето често велат дека треба да одржувате собна температура од 21-22˚C во текот на целата година, но тоа може да биде премногу ладно во лето.

Кога го ладите домот, треба да се стремите кон разлика од 4˚C помеѓу надворешните и внатрешните температури. Повеќе од тоа, ризикувате да го шокирате телото кога излегувате на отворено, што може да биде штетно за здравјето. Одржувањето на температурата во овој опсег е исто така поздраво за потрошувачката на енергија.

Но на крај, се работи за тоа што ви е удобно вам и на луѓето околу вас. Запомнете дека некои од нас имаат поголем проблем со топлината отколку други, како што се постарите лица или бебињата. Ниту домашните миленици не сакаат премногу топло или премногу ладно.

Тоа зависи и од собата бидејќи можеби сакате просториите за спиење да бидат поладни од просториите за дневен престој. Бројот на прозорци во соба или дали има пердиња или теписи, исто така може да направи голема разлика во тоа колку е просторот ладен.

Кое поставување е најдобро додека сте дома во топли денови?

Без оглед дали температурата се контролира во собата или преку апликацијата Onecta, имате многу поставки за избор за сите ситуации. Можете да создадете различни распореди со најмногу шест поставки за температура дневно во текот на седум дена, со една температура кога сте вообичаено дома, а друга кога сте надвор. Значи, нема потреба да се трошат пари со ладење (или греење) на една фиксна температура цело време.

И ако имате топлинска пумпа воздух-воздух со систем multi-split – со една надворешна единица и до пет внатрешни единици – можете да го поставите системот да доставува различни температури во различни соби.

Поставки за температура во зима наспроти лето – дали треба да се различни?

Накусо: веројатно, да. Нема смисла да ја одржувате истата температура во текот на целата година ако не е удобно - и ако ве чини повеќе. Освен тоа, можеби и не е најодржливиот пристап во еколошка смисла. Затоа топлинската пумпа воздух-воздух ви нуди толку флексибилност и разновидност.