Факти за потрошувачка на енергија на топлинска пумпа

Можеби размислувате да се префрлите на топлинска пумпа поради еколошките или финансиските придобивки. Дали топлинската пумпа е навистина ефикасна? Да ја разгледаме внимателно потрошувачката на енергија на топлинската пумпа и да видиме како можете да уживате во подобрена ефикасност и пониски трошоци со топлинска пумпа во домот.

Потрошувачка на енергија на топлинска пумпа

Топлинските пумпи се одржлив систем за контрола на клима. Тие извлекуваат топлина од воздухот, водата или земјата однадвор и ја користат за да обезбедат греење, ладење или топла вода за домот.

Освен ако користите топлинска пумпа како дел од хибриден систем - каде што комбинирате топлинска пумпа со бојлер на гас - не се потпирате на фосилни горива и воопшто нема да плаќате за никаков гас.

Топлинските пумпи црпат до 75% од потребите за енергија бесплатно од природата, а остатокот се напојува со електрична енергија за погон на компресорот и разменувачот на топлина. Но тоа не значи неопходно и висока сметка за електрична енергија.

Неколку фактори определуваат колку електрична енергија користи една топлинска пумпа. Тие ги вклучуваат климата, големината на вашиот дом и колку е добро изолиран, и дали топлинската пумпа обезбедува топла вода или ладење.

Вообичаено, ефикасна потрошувачка зависи од тоа да се има вистинска топлинска пумпа, којашто е инсталирана правилно и се користи соодветно.

Ефикасност на топлинска пумпа

Потрошувачката на електрична енергија на топлинската пумпа е заснована на она што е познато како сезонски коефициент на перформанси (СКП), којшто овозможува варијации во перформансите во текот на годината. Пумпата треба да работи понапорно во зимата отколку во летото.

СКП се пресметува со мерење на внесената енергија (електрична енергија) и потрошената енергија (топлина). Топлинска пумпа вообичаено произведува 4 kWh топлина од 1 kWh електрична енергија, што може да е поевтино од вашите сметки за гас преку целата година. Постојат начини на кои можете дополнително да ја зголемите ефикасноста.

Изолацијата влијае на ефикасноста на секој систем за греење. Осигурете се дека сите ѕидови, шуплини на мансарда и прозорци се правилно изолирани за да се намали обемот на работа на топлинската пумпа, а со тоа и нејзината потрошувачка.

Исто така, можете да ја намалите потрошувачата со тоа што:

• ќе обезбедите дека топлинската пумпа е правилно поставена и прилагодена за вашиот систем за греење;
• ќе ја одржувате температурата релативно постојана, наместо да ја намалувате ноќе;
• ќе го ограничите протокот на температурата на загреаната вода до ниво на удобност;
• редовно ќе го одржувате системот.

За навистина да ја максимизирате ефикасноста и да ја намалите потрошувачката на електрична енергија, размислете за комбинирање топлинска пумпа со други системи, како што се подно греење и соларни плочи.

Топлински пумпи и соларни плочи

Кога комбинирате топлинска пумпа со соларни плочи, ефикасноста на двата система може значително да се зголеми. Во текот на зимата кога сонцето сјае помалку, топлинската пумпа може да обезбеди греење бидејќи црпи топлина од воздухот или земјата. Во лето, соларните панели можат да ја напојуваат топлинската пумпа без да се потпираат на електричната мрежа.

Комбинацијата на соларни плочи и топлинска пумпа може да го зголеми CКП на четири или повеќе единици топлина за секоја единица потрошена енергија.

Спарувањето на топлинската пумпа со соларни плочи ја зголемува нејзината ефикасност, што доведува до помало трошење на електрична енергија од мрежата и намалени трошоци. Тоа им овозможува на сопствениците на станбен простор да станат енергетски понезависни - произведувајќи сопствена енергија без да се потпираат на комуналните претпријатија.