Топлинска пумпа или бојлер на гас: кое треба да го изберете?

Зголемените цени на енергијата и потребата за заштита на околината предизвикуваат многу луѓе да размислуваат за користењето на енергијата во домаќинството. Топлинските пумпи сè повеќе се сметаат како најдобра алтернатива на системите на фосилни горива. Тогаш, да ги истражиме предностите и недостатоците.

Топлинската пумпа е многу ефикасна технологија со неутрална емисија на јаглерод. Користи извори на обновлива енергија за да обезбеди греење, топла вода и ладење за домот.

Извлекува топлина од воздухот, земјата или водата, што ја прави исплатливо за работење. Од друга страна, бојлерот на гас е систем врз основа на фосилни горива, којшто произведува емисии на јаглерод.

Цени на топлинските пумпи наспроти бојлерите

Една од главните предности на бојлерот на гас е цената за инсталирање: почетната инвестиција на бојлер на гас е поевтина од онаа на топлинската пумпа.

Сепак, на долгорочен план, трошоците за работа на топлинската пумпа се многу пониски. Најголем дел од својата енергија ја зема од обновливи извори, а за напојување е потребна само мала количина електрична енергија. Значи, ги намалува вашите сметки за електрична енергија.

Во зависност од типот на топлинската пумпа којашто ќе ја изберете, првичната цена за купување и инсталирање може да се разликува. На пример, хибридна пумпа сè уште користи поврзување на гас, но исто така работи на електрична енергија и на обновлива енергија. Затоа може да претставува поприфатлив начин да се започне со користење обновлива енергија.

Друг начин на кој можете да ја намалите цената, е да проверите за субвенции за финансирање коишто ги поттикнуваат сопствениците на станбен простор да се префрлат на обновлива енергија.

Влијанието на топлинските пумпи и системите на фосилни горива на околината

Топлинските пумпи нудат одржлива и ефикасна алтернатива на системите на фосилни горива. Како што светот се стреми да достигне емисија на стакленички гасови на нето нула, ќе видиме придвижување кон овој облик на обновлива енергија.

Топлинските пумпи најчесто користат обновлива енергија (околу 75 %); за преостанатото, работат на електрична енергија. Топлинските пумпи воздух-вода користат топлина од воздухот, додека геотермалните топлински пумпи користат топлина од земјата.

Ова ги прави многу посупериорни од системите на фосилни горива кога станува збор за влијанието врз околината. Бојлерите на гас или нафта произведуваат емисии коишто се штетни за планетата.

Флексибилноста на системот за греење

Друго што треба да се земе предвид, е флексибилноста. Системите на фосилни горива се воспоставено решение за радијатори и топла вода, но дали знаевте дека и топлинските пумпи можат да обезбедат ладење?

Разновидната природа на топлинските пумпи значи дека можете да ги поврзете со различни видови емитувачи за да обезбедите систем сè-во-едно за вашиот дом.

Оптимизирајте го изборот на топлинска пумпа со комбинирање со соларни плочи или термален склад.

Заклучок

Топлинските пумпи се сè почеста алтернатива на системите на фосилни горива, како што се бојлерите на гас. Тоа се должи на нивните многубројни придобивки: трошоци за работа, ефикасност, флексибилност и влијание врз околината.

Постојат различни опции коишто ви овозможуваат да го создадете оптималниот систем за вашиот дом, вклучувајќи и хибридно решение коешто овозможува пристап до обновлива енергија.

Вистинскиот систем ќе зависи од вашите буџет, потреби, дом и начин на живот. Разговарајте за опциите со инсталатерот и дознајте што ви одговара.