Предностите на обновлива енергија
Изворите на обновлива енергија се добиваат од природни извори. Дознајте зошто тие се толку важни и какви придобивки донесуваат.
Обновливата енергија е многу важна. Бидејќи многу земји доживуваат невидени цени на горивото и климатска криза, обновливата енергија е исплатлива и подобра за нашето здравје и за светот околу нас. Изворите на обновлива енергија се различни, од соларна и ветерна енергија, до хидро, плиматска, геотермална и биомаса.
Предностите на обновлива енергија
Придобивките од преминување на извори на обновлива енергија се јасни, а не само позитивното влијание врз здравјето на луѓето и нашата планета.
Користењето обновлива енергија ги намалува емисиите создадени од фосилни горива. Фосилни горива значи штетни гасови, а тоа значи повеќе респираторни болести, како и глобално затоплување.
Системите на обновлива енергија бараат помалку одржување. Тие ги намалуваат трошоците преку заменување електрани коишто се скапи за управување. Фосилните горива можеби ќе исчезнат за 60 години, но секогаш ќе имаме соларна, ветерна и геотермална енергија.
Уште поважно, обновливата енергија ја намалува нашата зависност од увезени фосилни горива. Политичките кризи влијаат на глобалните цени на горивата. Обновлива енергија значи независност од увезена енергија.
Какво влијание има обновливата енергија?
Обновливата енергија заштедува пари. Соларната енергија се добива со земање енергија од сончевата светлина и нејзино претворање во топлина, електрична енергија или топла вода. Соларните фотонапонски системи ја претвораат сончевата светлина во електрична енергија преку соларни ќелии. На долг рок, тоа би можело да ги елиминира трошоците за енергија; на кус рок, ви ги намалува сметките.
Ветерните електрани користат турбини за претворање на ветерот во електрична енергија. Обновливата ветерна енергија има различни форми, од комерцијални системи до единични турбини.
Обновливите системи користат многу помалку енергија одошто систем заснован на согорување. Истражувањето коешто го спроведе Energy and Environmental Science покажува дека ширум светот, енергијата што ја користиме опаѓа за 56% со електричен систем напојуван од обновливи извори. Тоа се должи на ефикасноста на електричните возила и електрифицираната индустрија, елиминирајќи ја енергијата потребна за добивање фосилни горива. Исто така, тоа е и поради ефикасноста на електричните топлински пумпи.
Топлинските пумпи воздух-воздух извлекуваат топлина од надворешниот воздух и ја користат за затоплување на домот. Топлинските пумпи воздух-вода ја пренесуваат топлината од надворешниот воздух на водата којашто ги загрева собите преку радијатори или подно греење. Тие исто така обезбедуваат и топла вода. Геотермалните топлински пумпи земаат топлинска енергија од водата во подземните цевки и ја пумпаат до внатрешен разменувач на топлина.
Топлинските пумпи се поефикасни од другите системи. Додека на компресорот и пумпите им е потребна електрична енергија за работа, тие користат помалку од количеството топлина што ја увезуваат однадвор.
Додадете ги здравствените и социјалните придобивки и јасно е дека обновливата енергија е природен избор.
