Како да изберете топлинска пумпа

Топлинските пумпи се новиот тренд низ Европа како одржлива алтернатива за греење. Не само што овозможуваат комплетно решение за греење, ладење и топла вода, туку работат и на обновлива енергија. Која е вистинската за вас?

Постојат повеќе видови топлински пумпи. Која е вистинска за вас зависи од вашите потреби, буџетот и домот. Пред да инвестирате, да погледнете разни топлински пумпи и да видиме што вам ви одговара.

Дали е потребна топлинска пумпа за мојот дом?

Топлинската пумпа е ефикасна и одржлива. Инсталирањето топлинска пумпа за греење и за ладење на домот е одличен избор за нов објект, како и при реновирање.

Како да ја изберете вистинската топлинска пумпа?

Топлинска пумпа воздух-воздух

Топлинските пумпи воздух-воздух вообичаено се нарекуваат климатизери. Содржат внатрешна и надворешна единица, наречени како единечен сплит-систем. Можете да изберете една единица што се поврзува со до пет внатрешни единици, познато како мулти систем.

Нивните главни функции се греење и ладење. Кај некои мулти системи можете поврзете и резервоар за топла вода. Тие се решение за една просторија и најевтини и наједноставни за инсталирање. Ги има во разни типови: високоѕидни - најчестите - парапетни и скриени.

Топлинска пумпа воздух-вода

Основните функции на топлинските пумпи воздух-вода се греење, ладење и топла вода преку спојки со грејни тела.

Топлинските пумпи воздух-вода можат да бидат нискотемпературни, среднотемпературни и високотемпературни. Обично имаат внатрешна и надворешна единица и работат поврзани на разни грејни тела. Често имаат вградени резервоари за топла вода.

Нискотемпературните топлински пумпи се наменети за системи што немаат потреба од температура на водата над 55°C. Најдобри се за новоизградени домови затоа што можат да се поврзат на подно греење, конвектори за топлински пумпи и нискотемпературни радијатори.

Високотемпературните топлински пумпи се најдобри за постари домови и за замена на бојлери. Можат да се поврзат со високотемпературни радијатори за кои понекогаш е потребна температура на водата до 70°C и конвектори за топлински пумпи.

Среднотемпературните топлински пумпи се соодветни за најголемиот број домови. Компатибилни се со повеќето радијатори.

Топлинска пумпа земја-вода

Топлинските пумпи земја-вода или геотермалните топлински пумпи создаваат топлина од земјата и се достојни за нови објекти и за замена на постојни геотермални топлински пумпи. Можат да функционираат многу ефикасно, дури и на места со многу ниски температури. Имаат само внатрешна единица и имаат потреба од најобемна инсталација, со бушење во земјата за да се вметне разменувачот на топлина.

Топлинските пумпи земја-вода може да се инсталираат хоризонтално или вертикално.

• Хоризонталниот затворен вод се состои од цевки поставени рамно во земја, малку под линијата на замрзнување (длабочина околу 1- 2,5 метри). За инсталацијата е потребна голема површина за да се овозможи доволно исцрпена топлина од земјата.
• Вертикалниот систем се состои од цевки поставени во една или веќе дупки длабоко во земјата (околу 15-120 метри). За вертикалните системи е потребно повеќе работа и треба да се користат кога нема доволно површина за хоризонтален систем.

Топлинските пумпи земја-вода се поврзуваат со подно греење, конвектори за топлински пумпи и нискотемпературни радијатори.

Хибридна топлинска пумпа

Хибридните топлински пумпи користат комбинација од фосилни горива, струја и обновлива енергија. Вообичаено содржат внатрешна и надворешна единица, каде внатрешната единица функционира како бојлер.

Хибридните топлински пумпи можат автоматски да преминуваат меѓу опциите топлинска пумпа, комбинирана работа или само работа на гас за да овозможат ефикасност.

Тие се добра алтернатива за кондензирачки бојлери на гас, затоа што можат да ги користат постојните спојки за гас. Можат да се поврзат со високотемпературни и нискотемпературни радијатори, со подно греење и конвектори за топлински пумпи.

Можете да го комбинирате постојниот бојлер со нова надворешна единица и да користите обновлива енергија. Надворешна хибридна пумпа multi ви овозможува да ја комбинирате внатрешната единица со климатизери.

Енергетски ефикасни топлински пумпи скроени според вашите потреби

Не постои универзално решение кога се работи за топлински пумпи. Совршениот систем за вас зависи од многу фактори, меѓу кои вашите потреби, буџетот и домот.

Консултирајте се со искусни инсталатери за да го најдете најдоброто решение за вашиот животен стил.