Топлински пумпи воздух-вода наспроти геотермални топлински пумпи: што е најдобро?

Значи, одлучивте да инвестирате во топлинска пумпа. Откако ги разгледавте сите опции, сте ги стесниле опциите на два избори: воздух-вода или геотермална. Во оваа статија ги разгледуваме предностите и недостатоците на секоја опција за да ви помогнеме да ја донесете конечната одлука.

Главните разлики помеѓу геотермалните топлински пумпи и топлинските пумпи воздух-вода е едноставно од каде ја добиваат енергијата.

Топлинска пумпа воздух-вода апсорбира топлина од воздухот, додека геотермална топлинска пумпа извлекува енергија од земјата.

Ефикасност и одржливост

Ако одлучивте да се префрлите на топлинска пумпа, ќе бидете свесни за придобивките во врска со трошоците, ефикасноста и одржливоста од овој облик на обновлива енергија.

Ова важи за топлинските пумпи воздух-вода и за геотермалните топлински пумпи. Обете нудат одржлива алтернатива на системите за греење на фосилни горива. Обете работат на околу 70-80 % обновлива енергија, додека преостанатото влезно напојување доаѓа од електрична енергија.

Иако во тој поглед тие работат слично, геотермалните топлински пумпи почесто се користат на места со подолги и потешки зими, додека топлинските пумпи воздух-вода се популарни во сите климатски зони и географски области во Европа.

Инсталирање топлинска пумпа воздух-вода и геотермална топлинска пумпа

Уште една разлика помеѓу овие два типа топлински пумпи, е нивното инсталирање. Топлинска пумпа воздух-вода се состои од една надворешна и една внатрешна единица. Геотермална топлинска пумпа има внатрешна единица и надворешен разменувач на топлина, инсталиран во земјата.

Последната бара многу надворешен простор, со вистинските услови на земја. Тие обично се посоодветни за новоизградени домови или кога надградувате постоечка геотермална топлинска пумпа.

Топлинските пумпи воздух-вода се поедноставни за инсталирање и се достапни во нискотемпературни, среднотемпературни и високотемпературни варијанти, што ги прави идеални за секаков вид дом, од нова градба до постар имот.

Тие исто така се одлично решение за замена во домови коишто користат системи на фосилни горива.

Она што им е заедничко, кога станува збор за инсталирањето, се емитувачите на коишто се поврзуваат. Инсталирањето нови или заменливи емитувачи, како што се радијатори или подно греење, вклучува сличен процес за топлинските пумпи воздух-вода и за геотермалните топлински пумпи.

Цена за инсталирање

Цената за инсталирање топлинска пумпа се разликува во зависност од типот. Поради дополнителната логистика, геотермалната топлинска пумпа е поскапа за инсталирање отколку топлинската пумпа воздух-вода. Овде е и трошокот за кои било нови или заменливи емтувачи коишто треба да се купат и инсталираат.

Освен што ги намалува сметките за електрична енергија, топлинската пумпа е полесна за сервисирање и одржување отколку традиционалните решенија за греење. Поседувањето систем за обновлива енергија исто така ја зголемува и вредноста на домот.

Заклучок

И топлинските пумпи воздух-вода и геотермалните топлински пумпи ви нудат многу придобивки во однос на влијанието врз околината, ефикасноста и дологорчните заштеди.

Кој е вистинскиот избор за вас, ќе зависи од неколку фактори: како типот на имотот каде што живеете, буџетот и вашите потреби.

Разговор за опциите со квалификуван инсталатер ќе ви помогне да донесете одлука за најдоброто решение за вас.