Која е разликата помеѓу топлинска пумпа воздух-воздух и клима уред?

Луѓето често мислат дека топлинските пумпи воздух-воздух и клима уредите се различни, но всушност, тие се исти. Сепак, освен што испорачуваат ладен воздух, топлинските пумпи воздух-воздух исто така можат да обезбедат и греење. Еве како тие работат.

Повеќето луѓе знаат дека климатизацијата го лади воздухот и го распределува во просторот. Но она што е помалку познато е дека може да работи и обратно, обезбедувајќи решение за греење за домот за да можете да живеете удобно во текот на целата година.

Единиците коишто го загреваат и го ладат воздухот се попознати како топлински пумпи воздух-воздух, додека единиците коишто имаат само функција за ладење се познати како клима уреди. Побарувачката за единици кошто можат да загреваат и да ладат се зголемува, а луѓето откриваат дека топлинските пумпи воздух-воздух се совршено решение за нивните домови.

Како добивате ладен и топол воздух од истата единица?

Топлинските пумпи воздух-воздух работат на систем split, при што една или повеќе внатрешни единици се поврзуваат со надворешна единица на надворешниот ѕид или кровот на зградата или надвор на земјата. Системот содржи средство за разладување коешто ја пренесува топлината од еден дел на системот во друг.

Кога се лади, топлинската пумпа воздух-воздух ја извлекува топлината од воздухот во домот и ја ослободува надвор, работејќи речиси на ист начин како фрижидерот. Таа испушта ладен воздух во собите преку високоѕидни, парапетни или скриени тавански единици.

Кога се загрева, топлинската пумпа ја извлекува топлината од надворешниот воздух и ја ослободува внатре преку внатрешните единици.

Ако имате систем „multi-split“ – со една надворешна единица на топлинска пумпа поврзана со најмногу пет внатрешни единици – можете да ја прилагодите температурата во секоја соба. Затоа, просторот за дневен престој може да биде потопол од спалната соба. Сепак, топлинските пумпи воздух-воздух не можат да ладат и да загреваат одеднаш – можете само да греете или ладите во кој било момент.

Како го избирате најдоброто решение за домот?

Ако сакате систем кој го лади и го загрева домот на вистинската температура во текот на целата година на енергетски ефикасен начин, истражете ги топлинските пумпи воздух-воздух. Тие ви нудат максимални разновидност и перформанси, без оглед на времето. Ако сакате само да го ладите домот, изберете клима уред.

Накусо, топлинска пумпа воздух-воздух е клима уред и систем за греење во едно. Дури можете да ја поврзете и на резервоар за топла вода. Не е чудно зошто толку многу луѓе ги гледаат придобивките.