Daikin Altherma 3 H HT претставува инвестиција во удобност и заштеда на енергија. Оваа топлинска пумпа воздух-вода овозможува греење, ладење и топла вода—и притоа користи помалку енергија. Системот е идеален за сопственици што сакаат да го надградат својот бојлер или обичен систем за греење со поеколошко и поисплатливо решение.
Чиста, минимална и едноставна е најдобриот начин да се опише надворешната единица Daikin Altherma 3 H HT. Црна хоризонтална решетка ја покрива целата предна плоча и ја намалува бучавата при работа, а облогата со матна сива боја ја рефлектира бојата на надворешниот ѕид за да може единицата да се вклопи на различни места и пејзажи.
При работа во стандарден звучен режим, нивото на звучниот притисок на надворешната единица е 38 dBA (на 3 метра)—тоа е некаде помеѓу црцорење на птиците и тивка библиотека. При низок звучен режим, звучниот притисок се намалува за половина (35 dBA на 3 метра).
Звучната моќност се генерира од самата единица, независно од растојанието и околината. Звучниот притисок е звукот добиен на определено растојание. Звучниот притисок вообичаено се пресметува помеѓу 1 и 5 метра од единицата.
Daikin Altherma 3 H HT ги содржи најновите техлогии за HVAC, развиени во Европа за европските клими. Дознајте ги
карактеристиките со коишто се истакнува овој производ од останатите.
Инженерите на Daikin соработуваа со дизајнери за да ја освежат обичната надворешна единица. Инспирирана од одличниот дизајн на внатрешните единици на Daikin, оваа надворешна единица има привлечна предна плоча и чисти линии за да се вклопи лесно во околината.
Единиците со голем капацитет работат со два вентилатора, но оваа надворешна единица работи само со еден. Поголемиот вентилатор ја подобрува циркулацијата на воздухот, што овозможува да се постигне послаб звук при работа.
Daikin Europe работеше со центарот за технологија и развој на Daikin во Јапонија за да развие специјален компресор што овозможува вода од 70°C. Оваа топлинска пумпа со висока температура е и првата што користи R-32: поефикасно разладно средство со помала емисија на CO2 .
3-слојна изолација и гумени подлошки меѓу долната и вибрирачката плоча ги апсорбираат и изолираат звуците од компресорот.
Линијата содржи една надворешна единица компатибилна со три различни врвни внатрешни единици, коишто може да се
приспособат за да овозможат греење, ладење и топла санитарна вода.
Погледнете ги трите внатрешни единици кои се дел од оваа линија и трите различни поставки (три функции) со коишто можете да ги задоволите своите потреби за климатизација.
Компактна единица што се комбинира со одделен резервоар за да произведе топла санитарна вода. Овој модел нуди дополнителни функции за ладење.
Компактна единица со зафатнина од 595x625mm. Единицата се поврзува со резервоар од 180 или 230L за да ги задоволи потребите од топла санитарна вода и може да се користи за ладење или за двозонски поставки.
Единицата ECH2O содржи термален резервоар DHW од 300 или 500L што може да се поврзе со термални соларни панели. Овој модел нуди дополнителни поставки за ладење.
Функцијата „Само греење“ е стандардна во производниот асортиман на Daikin и е достапна за сите три внатрешни единици. Овие поставки овозможуваат просторно греење и топла санитарна вода.
Ако покрај греењето имате и потреба од удобно ладење и топла вода, функцијата „Двонасочност“ е најдоброто решение. Достапна за сите три внатрешни единици, со оваа функција системот може да премине од греење на ладење. За овие поставки е потребен поден систем од цевки или единици со фенкојлери.
Вградената парапетна единица е единствената внатрешна единица опремена со поставки за две зони. Со функцијата „Две зони“, можете да ја регулирате температурата во две одделни зони во вашиот дом што користат различни грејни тела, како радијатори или подно греење.
