Ѕиден модел Perfera

Внатрешната единица на клима уред е дел од систем со клима уред што се наоѓа во домот и овозможува климатизиран воздух во просториите.

Изборот на внатрешна единица на клима уред зависи од вашите специфични потреби, но важно е да се разбере како системот работи како целина. Постојат различни клима уреди, секој со сопствени посебни карактеристики. Еден од најпопуларните типови што се користат во домовите е систем split, којшто е поделен на две единици: една внатрешна и една надворешна. При греење, надворешната единица извлекува топлина од надворешниот воздух и ја пренесува внатре преку внатрешната единица, а кога го лади домот, тоа го прави во спротивна насока.

Постојат три типа внатрешни единици за климатизација:

Единици со високоѕидна монтажа

Модели со високоѕидна монтажа (Stylish, Ururu Sarara, Daikin Emura, Perfera,) се достапни во различни големини и бои за да одговараат на вашиот ентериер.

Парапетни единици

Парапетните модели (Perfera Floor) се компактни клима уреди што одговараат совршено под прозорец или во соба каде висината е ограничена.

Скриени тавански единици

Скриени тавански единици. Ако не сакате видлива внатрешна единица, скриениот клима уред може да се инсталира во спуштени тавани или лажни ѕидови.

Постојат три опции за поставување на внатрешната единица на топлинска пумпа воздух-воздух (исто така позната и како клима уред):

Високоѕидна единица

Високоѕидната единица е поставена идеално над врата или во средината на собата. За да овозможи најдобра удобност, не се препорачува единицата да се постави над гарнитурата, над задниот дел од креветот или над голем плакар. Ова ќе обезбеди протокот на воздух да може да се распредели рамномерно низ собата.

Парапетна единица

Парапетната единица може да се постави под прозорец за да не може да се блокира протокот на воздухот. Единицата не смее да ја блокира мебел, со цел да се обезбеди рамномерен проток низ собата.

Скриена таванска единица

Скриената таванска единица се инсталира во спуштен таван и овозможува повеќе флексибилност поради компактниот дизајн затоа што само решетките се видливи. Областа околу вентилите не треба да ја блокира мебел, а идеално не директно над софата или надглавјето на креветот за да се обезбеди оптимална удобност.

Клима уредот вообичаено е составен од две единици: Внатрешна и надворешна единица. Тие обично се наречени системи „split“.

Надворешната единица од системот split, монтирана на надворешен ѕид или поставена во градината или на кровот, е дел од клима уред што содржи компресор, вентилатор, електронска табла и разменувач на топлина. Надворешната единица го компресира средството за разладување што извлекува или емитува топлина или ладен воздух кон просторијата во или од внатрешната единица.

Со цел клима уредот да функционира како што треба, неопходно е системот да е правилно инсталиран. Инсталирањето треба да го изврши само овластен техничар, на подобна локација. Површината мора да биде доволно цврста за да ги издржи тежината и вибрациите на единицата, а исто така мора да има доволно простор за проток на воздух и за поврзување цевки и кабли за напојување. Кои било растенија или грмушки во просторијата треба да се оддалечени барем еден метар од клима уредот и треба да се потсекуваат редовно. Надворешната единица на клима уред треба да е инсталирана и на место до кое може да се пристапи лесно при сервисирање или редовно одржување.

Често нè прашуваат зошто не смееме да го поставиме клима уредот внатре. Зарем не можат да се постават во мансарда или стакленик? Одговорот е, не. Тоа е затоа што после неколку часа клима уредот ќе ја извлече целата топлина од заробениот воздух, ефикасно претворајќи го просторот во замрзнувач. Поради ова клима уредот има потреба од пристап до надворешен воздух со слободен проток.

Важно е да се прави разлика помеѓу сервисирање и чистење. Одржувањето и чистењето на клима уредот може да ги врши корисникот, а сервисирањето мора да го извршува професионален инженер.

Погледнете го прирачникот на клима уредот и следете ги упатствата за чистење на клима уредот.

• Исчистете ги доводот на воздух и решетките/капаците со влажна крпа и проверете да не се блокирани.
• Филтрите може да се отстранат и исчистат со правосмукалка или со млака сапуница.
• Исчистете ја надворешната единица нежно со црево за да ги отстраните нечистотиите и поминете ја со четка за да ги отстраните пајажините. Отстранете ги остатоците од растенија или лисја што се насобрале во задниот дел од калемот. Внимавајте да не ги оштетите перките.
• Внимавајте – перките на калемите се многу остри. Препорачуваме да користите соодветна лична опрема за заштита, вклучувајќи и ракавици.
• НЕ користете бензин, бензен, прав за полирање или течен инсектицид.
• НЕ користете вода или воздух со температура од 40°C или повеќе.
• НЕ користете средства за полирање.
• НЕ користете четка за триење.