Наша глобална историја

Историја на иновација

Уште откако беше основана Daikin пред речиси еден век, наша мисија беше да го оптимизираме воздухот околу нас. Секогаш ја користевме нашата стручност за да подобриме животи и придонесеме за поздраво и повеќе одржливо општество.

Во 1924 година, Акира Јамада ја основаше Osaka Kinzoku Kogyosho Ltd, којашто во 1963 година беше преименувана во Daikin. До 1933 година, веќе ја истражувавме употребата на средства за разладување со флуор. Тоа беше почеток на потрага да се развијат најудобните и енергетски најефикасните средства за разладување и опрема за ладење.

Јапонските патници беа меѓу првите кои имаа корист во 1936 година кога го лансиравме Мифуџиратор, којшто обезбеди климатизација во возовите. И оттогаш градиме на тие рани иновации.

Основите на лидерство

До 1950-ите години, се сосредоточувавме на иновација. Во раните 1960-ти години, бевме првиот јапонски производител за масовно производство на самостојна и пакувана опрема за климатизација. Седум години подоцна, го лансиравме првиот клима уред заснован на технологија на топлинска пумпа и ги поставивме основите за лидерство во ова поле.

Во 1970-ите години, Daikin ја започна својата глобална експанзија со првата странска организација во Остенд, Белгија: Daikin Europe N.V. Нејзина задача беше да развие, произведе и пласира производи за европски пазари. Во 1982 година, ја претставивме првата единица со променлива зафатнина на средство за разладување (VRV) во Јапонија и обезбедивме енергетски ефикасно, флексибилно решение за секоја зграда.

Daikin Europe започна да се шири бргу на почетокот на 1990-те години. Основавме подружници во Европа, Близок Исток и Африка. Нашиот успех се должи на нашите познати, енергетски ефикасни, комерцијални VRV-системи, зголемената побарувачка за домашна климатизација и одличните партнерства со инсталатери.

Исполнување на потребите за изменување

Потоа, во средината на 2000-те години, почнавме да го прошируваме нашиот асортиман на производи за греење и разладување. Побарувачката во Европа беше сè уште многу поголема за греење одошто за климатизација. Иако пазарот на греење главно беше опслужуван со печки ина нафта, гас или дрва, ја искористивме нашата технологија за да ја развиеме Altherma, топлинската пумпа воздух-вода на Daikin. Ја претставивме на пазарот во 2006 година и им понудивме на сопствениците на станбени простори едноставно и одржливо решение за греење и ладење.

Работите се менуваа и во светот на разладувањето. Го видовме потенцијалот за целосни решенија за греење, ладење и разладување и започнавме да ги претставуваме на пазарот со лансирањето на Conveni-Pack. Нашите системи понудија огромни заштеди на енергија, особено во постудените сезони кога супермаркетите можеа да ја користат топлината генерирана од нивните фрижидери за да ги загреат своите продавници.

Глобален лидер, тогаш и сега

Помеѓу 2016 година и 2018 година, Daikin купи четири европски производители на уреди за разладување: Zanotti, Tewis, Hubbard и AHT. Ова ни овозможи да испорачаме одржливи производи за целиот синџир на ладење, вклучувајќи транспортни уреди за разладување и ормари за супермаркети.

Иако Daikin Europe уште од самиот почеток имаше активности за истражување и развој, овој дел од нашите операции го формализиравме во 2011 година со Центар за развој EMEA. Денес, центарот е глобален лидер за истражување и развој на технологија за греење и ладење со топлинска пумпа.

Секогаш на врвот на иновација и одржливост, во 2021 година, Daikin го објави планот Fusion 2025. Тоа нè става на чело на премин на општество со неутрална емисија на јаглерод-остануваме доследни на нашата првична мисија.