Запознајте ги Риши и Харш
Инженери за греење во центарот за развој EMEA
„Од интензивни сесии полни со идеи, преку учење нови работи, до доаѓање до конечното решение. Знаеме дека сме успеале кога сме создале единица што урамнотежува дизајн, ефикасност и перформанси."
„Топлотните пумпи ги надминуваат дизајнот и естетиката.“
Риши: „Во моментот работам на топлотна пумпа дизајнирана за скандинавскиот и германскиот пазар, којашто ја нарекуваме „врвен модел.“ Многу бргу дознав дека современата топлотна пумпа не претставува само одличен дизајн; мора да биде енергетски ефикасна и да ги задоволи највисоките стандарди за квалитет и перформанси."
„Нашиот тим главно се фокусира да претстави одличен производ со извонредни карактеристики и да им овозможи на купувачите целосна удобност.“
„Големите предизвици претставуваат нови можности.“
Харш: „Мојот прв проект беше да развијам нова генерација топлотни пумпи со земен извор. Поради големите очекувања на пазарот, нашиот тим се соочи со разни технички предизвици коишто требаше да се надминат за краток рок. На крајот создадовме единица со одлични перформанси во секој аспект, со којашто можеме сите да се гордееме.”
Риши: „Достигнувањето на целта при еден проект е најголемиот предизвик со којшто се соочуваме, а тоа е она што го прави возбудлив развојниот процес. Се претвора во патешествие: Од интензивни сесии полни со идеи, преку учење нови работи, до доаѓање до конечното решение. Знаеме дека сме успеале кога сме создале единица што урамнотежува дизајн, ефикасност и перформанси.
„Посебен тим со заедничка цел“
Риши: „Се радувам што можам да го споделам ова специјално искуството со одлични колеги. Работењето со таков посебен тим ви овозможува да бидете отворен за нови идеи. Различните перспективи, искуствата и знаењето се главните носители на центарот за развој EMEA (EDC).“
Скокот до Белгија
Харш: „Учев да станам механички инженер во Индија пред да се преселам во Белгија пред две години. Daikin Europe е моето прво работно место.“
Риши: „Ова е мојата прва работа. Својата кариера ја започнав како стажант во Daikin India додека студирав за механички инженер. После стажирањето се пријавив за работа во Daikin Europe, ја добив работата и се преселив во Белгија. Моето патешествие од Daikin India до Daikin Europe беше остварување на соништата.“
Што е следно?
Харш: „Ме поставија како одговорно лице за друг проект. Иако имам премногу да учам, уживам во различноста што ми ја носи ова работно место.“
Риши: „Преодот од стажант во меѓународен работник претставуваше огромно искуство за мене и многу го ценам концептот на Daikin за обука на самото работно место, затоа што ми овозможува огромни можности и предизвици. Сè на сè, за мене ова е патување полно со иновации, ентузијазам и мотивација.“
Запознајте го Јорис
Дизајнер за греење во центарот за развој EMEA
„За механика се интересирам уште од дете. Моите родители имаа сервис за автомобили, па јас постојано работев на моторите. Но во себе имав и страст за дизајн. Посакував нешто што ќе ги спои тие две страсти, па се решив да студирам електромеханика.“
Раскажи ни повеќе за развојот на вашата кариера и што е тоа што ве доведе во Daikin Europe
„За механика се интересирам уште од дете. Моите родители имаа сервис за автомобили, па јас постојано работев на моторите. Но во себе имав и страст за дизајн. Посакував нешто што ќе ги спои тие две страсти, па се решив да студирам. Дојдов во Daikin Europe во 1996 година; тоа беше моето прво работно место, а договорот го потпишав токму пред да дипломирам. Ја започнав својата кариера во климатизација и во одделот VRV пред да прејдам во греење.“
Која е вашата улога?
„Мојата улога е да се фокусирам на структурниот дел од единицата, поточно куќиштето. Соработувам со надворешни лица за создавање на вистински дизајн, а оттаму се обидувам да изнајдам решение за тоа како да го адаптираме дизајнот на единицата. Потоа соработувам со тим за тестирање на прототипот за да провериме дали единицата ги задоволува најновите прописи за бучава и високите стандарди за перформанси на Daikin.“
На кои единици за греење сте работеле?
„До скоро работев на куќиште за геотермална топлотна пумпа, а сега работа на куќиште за нов моноблок.“
Кој е најголемиот предизвик при создавање на овие единици?
„Поголемиот дел од денот го минувам во просторијата за проверка на звукот, каде што ги тестирам единиците за да проверам дали ги задоволуваат најновите прописи за бучава. Една од нашите единици требаше да ја сместиме во метална кутија што не пропушта воздух во куќиштето. Тоа беше вистинското решение, затоа што после неколку тестови успеавме да го постигнеме посакуваното ниво на бучава.“
Со кој проект се гордеете најмногу?
„Помогнав во создавањето на новиот дизајн на линијата Daikin Altherma 3, којашто доби две големи награди за дизајн. Реакцијата од инсталатерите на терен е најважна за мене, а слушнав дека биле презадоволни со Daikin Altherma 3. Тоа се одлични вести, затоа што ако тие уживаат да работат со неа, повеќе ќе ја препорачуваат.“
Кога не сум на работа...
го следам омилениот фудбалски клуб (Клуб Бриж), работам во градината или поминувам време со моите две ќерки.“
Запознајте го Коби
Инженер за греење во центарот за развој EMEA
„Завршив постдипломски студии по електромеханика и барав работа во областа на производен развој. Прво започнав да работам тестирање софтвер пред да прејдам во тимот за решенија за греење и да работам на развивање топлотни пумпи. Сега пишувам софтверски спецификации за внатрешни единици.“
Раскажи ни повеќе за развојот на вашата кариера и што е тоа што ве доведе во Daikin Europe
„Кариерата во Daikin Europe ја започнав пред пет години. Завршив постдипломски студии по електромеханика и барав работа во областа на производен развој. Прво започнав да работам тестирање софтвер пред да прејдам во тимот за решенија за греење и да работам на развивање топлотни пумпи. Сега пишувам софтверски спецификации за внатрешни единици. Не очекував да завршам на ова работно место, но уживам да бидам експерт во оваа област (и да ме гледаат колегите како таков!).“
Која е вашата улога?
„Мојата главна задача е да пишувам софтвер за внатрешни единици, како на пример вбризгување гас и EU HP. Мојата работа е да создадам врска помеѓу внатрешна единица и управувач. За таа цел често соработувам со нашата канцеларија во Гент и со доставувачот на софтверот за да предвидиме потенцијални проблеми и да спроведеме соодветни тестови. Соработувам и со тимот за продажба за да добијам повратна реакција од купувачите и да ги применам потребните измени во нашиот софтвер.“
На кои единици за греење сте работеле?
„Работев на Daikin Altherma, единицата за вбризгување гас и EU HP.“
Кој е најголемиот предизвик при создавање на овие единици?
„Главниот предизвик е да направиме што доволно тестови пред да го пуштиме производот во продажба за да ги забележиме евентуалните проблеми навреме. Ако забележиме проблеми, треба да најдеме начин да ги поправиме во софтверот или во спецификациите.“
„Со таков предизвик се соочивме кога ја создававме единицата за вбризгување гас. Откако направивме неколку тестови, стана јасно дека треба да го приспособиме целиот софтвер, затоа што тоа беше првиот хидро-сплит модел. Но затоа тестирањето е толку потребно: процесот ни овозможува да гарантираме дека управувачот и единицата комуницираат беспрекорно.“
Со кој проект се гордеете најмногу?
„Најмногу сум горд на новата Daikin Altherma и нејзиниот нов управувач. Овој производ за Daikin Altherma ги постави темелите на нашите идни производи за греење, а јас бев одговорен за создавање на врската меѓу управувачот и единицата. Затоа што беше нов систем, имавме можност целосно да го надградиме управувачот со нови дизајн, функции и софтверски приспособувања.“
Кога не сум на работа...
свирам електрична гитара во мојот рок-бенд или играм фудбал со колегите од Daikin.“