Како вентилацијата го подобрува квалитетот на внатрешниот воздух

Поголем дел од времето поминуваме дишејќи внатрешен воздух, па многу е важно да биде чист. Вентилацијата може да направи голема разлика во квалитетот на воздухот.

Како вентилацијата го подобрува квалитетот на внатрешниот воздух

Квалитетот на воздухот е важен за нашето здравје. Загадувањето на внатрешниот воздух може да биде поштетно од загадувањето на надворешниот воздух ако се земе предвид дека луѓето во Европа поминуваат 90 % од времето внатре. Тоа е вистинскиот ефект врз нашето здравје, особено ако се земе предвид дека внатрешниот воздух е петпати позагаден од надворешниот воздух. Чистата домашна средина е важна за подобро здравје. Но кои се ефектите од слаб квалитет на воздухот?

• Реакции на загадувањето

Слабата вентилација ќе доведе до повеќе загадувачи во внатрешниот воздух. Може да предизвика да се создадат и прав и грини поради наталожени нечистотии или емисии од уредите за греење. Тоа може да доведе до непријатни реакции на кожата или до проблеми со дишењето.

• VOC и други хемиски опасности

Секој ден користиме потенцијално опасни хемикалии во нашите домови. Штетни органски соединенија или VOC се емисии од хемикалиите за домаќинство што се токсични во висока концентрација. Правилното складирање хемикалии е многу важно. Просторијата во која ги чувате треба да биде добро проветрена. Јаглеродниот моноксид е присутен и во многу објекти што користат уреди што согоруваат јаглен или гас. Големата количина од овој гас може да доведе до труење. Вентилацијата помага да се намали ризикот.

• Астма и респираторни проблеми

Луѓе со астма, бронхитис и други респираторни проблеми може да имаат чувствителни бели дробови. Загадениот воздух може да ги предизвика овие состојби. Прашината и грините може да предизвикаат напади, а тоа важи и за мувлата и штетниците како лебарки. Овие проблеми може да настанат ако внатрешниот воздух е премногу застоен или влажен.

Решенија за подобрување на квалитетот на воздухот

Ефективен систем за вентилација е решението за подобрување на квалитетот на воздухот. Професионален механички систем го подобрува квалитетот на внатрешниот воздух и проветрувањето низ целиот дом.

• Намалува влага и кондензација

Кондензацијата настанува кога влажниот воздух се лади брзо. Влагата се создава на прозорите, ѕидовите и другите површини и предизвикува мувла и влага. Се случува за време на секојдневните активности, како туширање или готвење кога просториите не се добро проветрени. Тоа е еден од најчестите проблеми со квалитетот на внатрешниот воздух. Системот за вентилација нуди решение. Помага да се регулира температурата и да се контролира нивото на влага.

• Го намалува ризикот од повратно движење на воздухот

Повратното движење на воздухот настанува кога притисокот на воздухот во домот е понизок од притисокот на надворешниот воздух. Како резултат на тоа, гасовите, како што е јаглерод моноксид, се враќаат низ оџаците или другите отвори. Овие гасови се опасни за вашето здравје и предизвикуваат слаб квалитет на воздухот. Вентилацијата помага да се контролира притисокот во објектот и да се намали ризикот од повратно движење на воздухот.

• Намалување на нечистотиите и загадувачите

Системот за вентилација ги отстранува загадувачите и нечистотиите. Ги исфрла надвор и овозможува да навлезе свеж воздух однадвор. Неадекватна вентилација значи дека нечистотиите и непријатните мириси остануваат внатре и предизвикуваат непријатна животна средина.

Нашите домови се како бели дробови. Имаат потреба од постојана циркулација на чист и свеж воздух. Тоа помага да се заштити имотот и здравјето на луѓето што живеат таму. Решенијата за вентилација од Daikin овозможуваат чист и здрав воздух во домот за да бидете спокојни.

Дознајте како системите за вентилација од Daikin можат да го подобрат квалитетот на внатрешниот воздух